Welatparez.com 

Serokatî ji bo Kurd û Kurdistan sed car li te pirozbê û bimbarik bê

Birêz kak Mesud BARZANÎ serokê Dewleta Federe Kurdistanê ez bi rewşa hewe gelek keyfxweş û dilgeşim. Îro ji bo mi roja Newrozê a bi seketî ye. Ev roj fermîye, bila bi dilê hemû Kurda bê, ko hûn îro serokê Kurd û Kurdistanîn. Kurdê îro bi vê rewşa hewe a Kurdewar û Kurdistanî şa nebibê, ewî ne zanîyê bi kifletê xweyê malbatê jî şa bibê. Bila dilê xwe xweşkin, ti ji bo gelê Kurd moralekê başî. Te şoreş, şoreşgerî û serokatî ji jêr ber bi jor hilda, gelê Kurdistan rû sipîkir, rêça Kurdistanî-Kurdewarî bi Ala rengîn pêça. Li te Pîroz, pîroz bê.

Serokatîya Dewleta federe a herêma Kurdistan li te, li hemû gelê Kurdistanê pîroz û sed car bimbarik bê. Bi rêça BARZANÎ yê nemir sedsala 21 yekan ji bo gelê Kurd-Kurdistanê bû gava azadî û serxwebûnê. Ez hêvîdarim ko tevayê Kurdistanê bi kevê ber xizîka pergal kirinê. Biryara Perlemana herêma Kurdistan, dil nexwazên gelê Kurd ser nizim kir, gavên birayetî û Kurdistanî ji bo herçar perçên Kurdistan rûpelek ! nû da vekirin. Gelê Kurd ji te bi hêvî ye ko hûn ji bo berjewendîyên gelê Kurd Ala Kurdewarî-Kurdistanî ji jor nahêlin ko dakevê jêr. Her gaveka hewe şopandina 40-50 milyon Kurd e. Lingê erdê negirin, gav avêtin valaye. Hewe bê westan û bê rawestandin dîrokên sala bi serfirazî anî vê roja serketinê. Bila bi karanîna demokrasîyê jî di nav Kurd-Kurdistan de bibê asarên hewe û civak pê xwirt bibê.

Hêvîyên mi serketina heweye. Ez bi hemû tecrûbe û serborîyên xwe ve ji bo xizmeta gelê Kurd di bin serokatîya hewe de karên bên ser mile mi ez amade me.

KURDINO EW CINETA HÛN NEÇINÊ EZ JÎ NAXWAZIM HERIMÊ

Şêx Mihemed Me`şûq Xeznewî çû ser rehmetê, sed rehmet li te û hemû kesên ko weke te di vê rêya kurdmancîyê de kûdandi bê. Ji bo Şêxê hêja bûyereka di nava dîrokê de mayî lê di jîyana tevgera gelê Kurd de, ko her wextê li ber çav, di ber çav re derbas di bê de, ezê ji pênûsa bapîrê xwe Mîr Celadet Alî Bedir-Xan ko di HAWAR hejmar 11/10 Çirîyapaşê 1932 de hatî we! şandin, ji bo xatirê Şêxê Kurd Şêxê hêja mînak bigirim û ezê î! ro pênûs a xwe ji bo wî bi dilê xweyê birîndar layîqgirtina wî bi xebitînim.

Şêxê delal ez girtî dibin çavdebûm, ko ez derketim ji bo bersiv ez li pênûsa xwe xebitîm. Te weke gelek şêxên Kurd da eşkere kirin ko dîn, dîyanet girêdayî ye bi azadî û serxwebûnê ve. Azadî û serxwebûn sicada dîn û dîyaneta mihowe. Xwezî ji wî kesî re, ewê weke te dîn û dîyaneta xwe naskirî ko xebata te ji bo xwe bikê rêbaz. Sofîyên wî sofîyên şoreşê bin, xizmetkar qomîtên rêxistinan bin. Bi ol, xebat, tedbîr, feyda tevgera gelê xweve bin, jêre bi rêz û rêzdar bin.

Belê şêxê hêja ez ji tere rehmet bi xwazin, ne xwazin rehmet bi xwe li te di barê, te xwe li rehmeta xûda da pêçan, kêla te di goristanêde jî ji hemû kêlan bilindtir bû. Tîrêjên Alarengîn ko kesk, sor, zer û li ser cehwer ji erşên ezmana niqûtandin ser. Kesên ko dest dirêjî te kirin ew bi tîr û agirê xwûda bêne sotan.

Pênûsa Dr. Mîr Celdet Alî Bedir-xan di bûyera berî 73 sala de ko dîsa şêxê Kurd Şêx Abdurrehmanê Gari! sî bi plan ko bi destê kûrmê ketî nav darê de hatî bû kûştin, halo neqişandi bû;

„Şîn … şîn … şîn … her der reş ne ma heşîn, dil bi kul, can bi keser, çav bi girîn. Bangdan a Şêx Evdirehmanê Garisî nema, hati bû xêrê, çû rehmetê… Herê Şêx Ebdirehmanê Garisî, ruhnîya çavên Onrdistanê, germîya dilên Kurdên qenc, bi du berikên bêbext, dest ji me kişand û çû. Bû şehîdê dîn û milletê xwe. Herê bi bêbextî hate kuştin. Ji xwe wekîdin kuştina wî nîn bû. Bi mêranî ne dihate kuştin. Li pey wî gelek gereha bûn……Erê ji kuştina wî re an bêbextî an berikekî xêlkî divîya bû. An ne wek mirovekî adetî di nav nivîna xwe de dê bimirîyaya. Mirina di nav cihan, ne mirina wî bû. Heyfa xwedê jî jêre dihat, pê qaîl ne dibû ko ew mêrê bi her tiştê xwe bi dîn, bi zanîn,……..Evdirehman ne stelih bû……

Mela û seyda bû. Islamîyet weke xwe nas dikir û dida nas kirin. Jê ne mûwek kêm dikir, ne jî wek melayên din, ji bona veşartina nezanîyên xwe û şêlandina xelkî, lê zêde dikir. Herçend mirovê ! xiretê bû, ew çend jî mirovê dinyayê, mirovê nûwînî û pêşveket! inê bû. Nav li xelkê dida ko bi xwînin, her tiştî hîn bibin. Piranîya feqehên wî bi herfên latînî jî dizanî bûn……………….”

Belê şêxê hêja mi çend car axiftin û hevpeyvînên te xwendin. Weke Şêx Ebdurehmanê Garisî te dîn û dîyaneta xwe ji hev qût ne didî. Azadî û serxwebûn te sicada dîn û dîyaneta xwe nasdikir. Weke Dr. Mîr Celadet Alî Bedir-xan ko ji bo Şêxê dîrokê Şêx Ebdurehmanê Garisî re gotî, ez bi şîrovekirina wî, ji bo te jî dibêjim gûnehê xwûda bi te dihat ko ti di nav nivîna xwe de bê deng bimrayî. Bê ka ti di jîyanê de çiqas bi bibûyî tirsa dilê zalim û zordarên dagirkerên Kurd û Kurdistan, te di barkirina jîyanê de jî xwe hişte tirsa dilê wan zaliman. Ji mûwên riha te bi gelek gelek bêhtir Kurd û Kurdistanî li te bi xwedî ne.

Şêx Mihemed Me`şûq te rêya dîn û dîyaneta xwe, di rêya neteweya xwe re baş naskiri bû. Te dîn û dîyanet bi rastî û bê kêmasî dida nasîn. Operasyonên piştî serî hildana başûrê rojhilatê Kurdistan, te li pêşya dadgeha Şamê, ko xortên şore! şê di dadgehê de dihatin darezandin de goti bû“ Kurdno ew cineta ko hûn neçinê ejî naxwazim herimê, cinet bi Kurda re xweşe“ Ez jî dibêjim bila oldarên Kurd li berxwe bidin, de karibin ew jî bêne cineta ko ti, Şêx Ebdurehmanê Garisî, Şêx Seîdê Pîran, Şêx Riza… têdebin

Bila olnasên Kurd, li Şêxê delal Şêx Mihemed Meşûq Xeznewî bi xwedî derkevin, rêbaza wî xwirt bikin. Azadî û serxwebûn sicada dîn û dîyanetê ye. Ji holê rakirina Şêxê delal nîşana ko ol û dîyaneta gelê Kurd û Kurdistan jî dibin dagirkerîyêde ye. Serxwebûn û azadîya gelê Kurd, azadî û serxwebûna ola gelê Kurd û Kurdistane jî. Ez ne oldarim lê ko miho li ola xwe bi xweyî derkevê, divê xebata ji bo serxwebûn û azadîya Kurd û Kurdistan rêça miho bê. Sernivzî, serşorî a dagirkeran û rejîma qatil a dewleta surî ye 13.06.2005

Serif.muestak@gmx.de

2005-06-13

http://www.welatparez.com