Welatparez.com 

KOMKAR: Ji bo bîr û raya giştî!

Ji bo bîr û raya giştî!

Kurdên welatperwer.!

Dostên bizava rizgarîxwaxên Kurdistanê!

Her wekû hun jî agadarin ku di seva 21 adar ê, roja Cejina netewî Newrozê de, kesên tarî bişev avêtine ser komeleya KOMKAR ê li Îngîlterê, lokala komelê wêran kirin û mal û tiştên wan yê bi qîmet talan kirinê.Pirtûkxaneya komelê, resmên sehîdan û ala rengîn ji hev belav kirine û kîn û dijminatîya xwe bi hovîtî nîşan danin. Balkêşe kû di roja cejina netewî da êrisî wuha têne ser saziyên kurdan.

Her usa di roja 26 adarê, heftîyek piştî êrişa li ser Komela KOMKAR ê li ingîlterê, destên res û tarî bi hovî êris birine ser Komela KOMKAR-Swêdê û dest bi wêran kirina pirtukxanê kirin û dezgehên kar û xebatê hilweşandine û komptorên karê komelê talan kirine.

Her weku hun jî agadarin her ev destên tarî di seva 16 subatê da erişeke bi bombeya molotof kokteyilê biribûne ser Komela KOMKAR ê li Hamburgê.

Usa xuyaye ku ev cure êrisana bi pilan tên kirinê. Li gor raye me, ev êrişana li ser demokrasî û mirovatî yê, ev êrişana li ser tevgera kurde, ev êrişana li ser yêkitîya hêzên Kurdan e, ev êrişana li ser tekosîna diplomasî û mirovhezîya kurdane, ev êrişana li ser Komelên KOMKAR ê Nîşana tirs û hovîya dagirkerên Kurdistanê ye.

Welatperwerên Kurd !
Xuskû birayên penaber !
Komeleyên dost û bira !

Em dizanin ku ji niha wê de jî wê êrişên cur be cur bêne ser welatperwerên kurd. Her wextên ku xebata Kurdan geş dibe û pêş dikeve, hêzên tarî û nexêrxwazên kurdan dest bi dest bi ajevegerî û provaksiyon dikin.

Loma jî divê, welatparêzên Kurd û dem û dezgehên Kurdan li hember provakasyonan hişyarbin û ji hev û din re bibin pişt û pal.

Em careke din jî radigihînin ku tu êrişek, nikare KOMKAR an ji ser rêka kar û tekosîna azadîya gelê me dûr bixîne û berxwedanê rawestîne. Ne teslîmyet û ne jî mecara.

Tekoşerên endamên Komeleyên KOMKAR ê li seranserî Ewrûpayê, Li hemberî van êrisana de hişyarbin û refênxwe bişidînin, xebatên xwe hîn geştir û gurtir bikin. Roj roja xebat û xîretê ye.

Li hember van êrişên ku li pêy hev têne ser Komeleyên KOMKARê, bêdeng nemînin.

Dê werin em bihev re, ji bo azadîya Kurdan dengê xwe li Ewrêpayê hin bilintir bikin, hêzên xwe yek bikin, ji bo doza rewa ya Kurdan yek deng û yek reng bin.

Li hember van erîşane, pistgîrîyên xwe ji bo KOMKARê nîşan bidin.

Bijî xebata welatparêzîya KOMKAR ê
Bîjî yêkitîya hêzên KURDISTAN ê
Bîjî azadîya KURDISTAN ê.

27.03.05
Komîteya Giştî ya KOMKAR ê

2005-03-28

http://www.welatparez.com