Welatparez.com 

Salek din jî kotayî bû. Her destpêk û dawiya salan de gelek gotinên klasîk tênekirin. Wek “Bila sala nû bo her kesî xweşî, şadî, kêyfexweşî, azadî, demokrasî, serkeftin û nizanim çi çi çi bîne….. ” an jî “Bawer dikim ku sala nû bo gelê me salake encam girtinê, ders girtinê û hwd… be”. Û mirov dibîne ku sala nû ji sala berê pirr cewaztir nîne. Divê salên ku derbas dibin ne bi gotinên wisa vala bêne şîrove kirin. Baş helsengandina bûyerên rabirdû, destnîşankirina stratejîyek rast bo dahatuyê ewê hêsantir bike. De em sala 2004 bi avayekî “şênber” binêrin û panoramayek giştî derxînin hole. Gelo 2004 li Kurdistanê wek hêlên siyasî, diplomasî, çandî, wêjeyî, teknolojî, muzîk, sînema, medya, tiştên erênî-neyînî, serfeftî-neserkeftî û hwd. de çi bû çi nebû. Her wiha saleke çawa li ber me ye ka em binêrin.

2004'an de Mijarên Siyasi-Politik-Diplomasîya Kurdî

Di 2004 de gelek buyerên ku mor! a xwe xist rojevê û di kronolojîya mejûya Kurdistanê cihên xwe girtin pêk hat û hîn ji wan buyeran di medyaya Cihanê de jî dengveda. Bûyerên herî girîng li Kurdistan Azad(Başur) de qewimîn. Di 2004 an de bûyera herî girîng li gor raya min 1ê Sibatê de li Kurdistana Federal(başûr) bajarê Hewlêrê êrişên xwekuj birina terorîstan ser barehagê Partiya Demokrata Kurdistanê û Yekîtiya Niştimanî Kurdistanê bû. Di van êrişan de berpirsên bilind yên PDK-ê û YNK-ê dor 140 kesan hat kuştin. Vê buyera cinûs berovajî armancên dijminên gelê Kurd encam da. Gelê Kurd hin behtir nêzikî hev bû. Piştî vê buyerê li hemû Kurdistan û Cihanê xwepeşandanên sermazarkirinê û piştgirî dayînê bo Kurdistana Başur pêk hat. Gelê Kurd ji vê buyerê teroristî encam û dersên baş vergirt. Bê guman dijminên gelê Kurd jî…Hin êşên buyera Hewlêrê netebitî bû ku li Kurdistana başurê-rojava de 13-14-15-16-17-18 Adarê de êrîşên rejîma Surîye ser neteweya Kurd û di serî de Qamişlo hemû bajarên Kurdan de pêk hatina serhild! anên gel rojeva Kurdan ser û bin kir. Balkeş bû ku xwepêşandanê! n li Kur distana Başur de slogana QAMIŞLO HELEBÇEYE, KURDISTAN YEK PERÇEYE derkete pêş. Dîsa di heman rojan de li Kurdistana Rojhilat serhildanên bicuk çêbûn. Her karesat gelê Kurd hin nêzikî hev dikir wek serhildana Qamişloyê…Lê dijminên Kurd û Kurdistan hin jî fêm nekirin ku gelê Kurd bi bombeyan, bi tehditan, bi işkenceyan, bi çekan, bi zilman, bi provakasyonan, bi inkaran, bi şêwayên teroristî, bi qedexeyan naye têk birin. Girtina mehluq Sedam Huseyîn û Kimyevî Elî jî bo gelê Kurd 2004an de gelek girîng bû.

9 hezîranê de jî bo gelê Kurd rojek dîrokî bû, di vê rojê de piştî ewqas inkar, zilm û berxwedanê de li Tirkîye di televizyona fermî ya a dewletê TRT de yekem car bi zimanê Kurdî weşan hat kirin. Dewleta Tirk ku 80 salê bo tunekirina vê zimanê şêrîn têdikoşe û bi her avahî inkar dike. Edî diyar bu ku li tirkîye û Kurdistana bakur de çerx nikare wek berê bişoxile. Di heman rojê de 4 parlementrê Kurd ku 10 sal di zindanê T. C de man Leyla Zana, Hatip Dicle, Salim Sadak û Orhan Dogan h! atin berdan. Piştî ku ji zindanê derketin dilsozîya xwe bo Dewleta Tirkan vêgotin.

2004ê de Komara Demokratikxwazan() û dijminên gelê Kurd dest dan hev û performansek baş nîşan dan. Serokê bêfêdî disa ji îmralîyê peyamên teslîm bunê û dijeyatîya deskeftên gelê Kurd kir. Û dîsa ji girseyekê gelê Kurd prîm vergirt. Hêzên din ên Kurdî ji bi lawazîyên xwe listika wan derdoran bi temamî nişanî xalkê Kurd neda. Di hilbijartinên Tirkîye de Gelê Kurd cara yekemîn polîtîkayên şaş a PKK re bersivek tund da. DEHAP bi SHP û 3-4 partîyên marjînal a Tirkîye re îttîfaq çêkir. SHP wekî tê zanîn ku salên 90 de dijî gelê Kurd tevgerîyaye. Di vê hilbijartinê de jî SHP bi hevkarîya dewlata kur a Tirkîye û Apo mîsyona entegre kirina gelê Kurd xisti bû milê xwe. Ev blok encama hilbijartinê de ji aliyê gelê Kurd ve hat têşikandin û dengên wan bi giştî negihişt ji %5an û gelek şaredarîyên Kurdistana Bakur jî wenda kirin. Demên dawî de jî DEHAP noqteya herî dawî ya teslîm bunê jî eşkere kir!. Edî dev ji mafên çandî jî berdan û gelê Kurd bû ji NETEWA TIR! KÎYE. Bi vî şiklî ji pêyva KURDISTAN rizgar bûn û gelek Kurdên devbeş jî çêpik lêxistin bo projeya nû ya MADE IN IMRALI. Leyla Zana û hevalên wî jî piştigirîya xwe dîyar kirin û ji gotina serokên xwe derneketin. Bi projeyên ucube -wek Ozgur Yutttaş, Civaka Ekolojîk-mekolijîk- rojeva Kurdên nezan dagirtin. -Di vê navberê de yaw gelo çiye vê meseleya EKOLOJÎK kî dizane?-Her wiha 2004an de buyeraka din ê girîng jî veqetina Osman Öcalan, Botan, Serhed û gelek komên din ji Kongra Gel û KNK bû.

Li Kurdistana Azad pêşveçuna herî girîng pejirandina qanuna bingehina demkîya Iraqê bû. Bi vê zagona bingehîn ve Kurdistana Federal bi avayekî fermî hat nasîn û zimanê Kurdî bu zimanê fermîya Iraqê. Bi vê avahî zimanê Kurdî him li Kurdistana azad him jî li Iraqê bu zimanê Fermî. Her wiha li Dewleta Federal a Kurdistanê de bo hilbijartinên Iraq û Parlemena Kurdistanê PDK û YNK bi peymana Selahhadînê birya dan ku bi listeyeke hevbeş bikevin hilbijartinan ve biryar bo yekîtîya neteweyîya Kurdî birya! rek pirr girîng bû. Derbarê rewşa Kerkûkê de encamek net nehat bi dest xistin. Rêzdar Mesûd BARZANÎ gelekcaran tekît kir ku meseleya Kerkukê ne mijara bazarîyê ye. Mesûd BARZANÎ di serdena xwe ya Tirkîyeyê de ber rojnamevanên Tirk de jî bi eşkere Kurdistanîyatîya Kerkûkê dîyar kir. YNK jî hinek be jî helwesta xwe bi avayekî erênî guhert.

Dawiya 2004an de jî meseleya ÎLANÊ hat rojevê. Bi qasî 200 kes Kurdên rewşenbîr, nivîskar, siyasetmedar, rojnamenivîs û helbestvan ku li dervayî welat, Kurdistana Bakur û li Tirkiyeyê dijîn, ji bo ku beriya ku Tirkiye bikeve Yekîtiya Ewrûpayê, daxwaz û hêviyên gelê Kurd bi riya rojnameyên International Herald Tribune (IHT) û Le Monde li Ewrûpayê belev kir. Rayedarên tirk û medyaya Kurdî mîna ku wan daxwazên Kurdan cara yekemîn tê rojevê dijeyatiyek tund û bi rastî jî trajî-komîk nîşan dan. Lê îlan gihîşt armanca xwe û ev îlan bo gelê Kurd pêşketinekê dîplomatîk anî. Leyla Zana û hevalên xwe yên parlemen Hatîp Dîcle, Selîm Sadak û Orhan ! Dogan jî îmze avêti bûn vê îlanê lê paşê daxwiyaniyek dan çape! meniyê û gotinên xwe yên berê înkarkirin.

2004an de Çand û wêjeya Kurdî

2004 bo çanda Kurdî saleke bijundar bû. 2004 an de pêşveçuna herî girîng di tîrmehê pêk hat. Li Brîtanya Koma Govendê ya Kurdistan di “Lêca Govendên Cîhanê” bû yekemîn û Ala Kurdistan hate daliqandin. Tv’ên wekî BBC, SC4, OPOUS û gelek televîzyonên Cihanê serkeftina Kurdistanê di nûçeyên xwe de weşandin. Mihricana Çand û Hunerê 4emîn a Amedê de jî ji çar perçeyên Kurdistanê muzikvan, wêjenas, helbestvan, zimanzan û nivîskarên Kurd hatin cem hev. Her wiha li Amedê Konferansa Zimanê Kurdî jî bi beşdar bûna gelek zimanzan û nivîskarên Kurd ji her çar perçeyên Kurdistanê hat lidarxistin. Li Amedê 2004an de enstituya zimaÊ Kurdî û qursa Kurdî jî hat vekirin. Dewleta Tirk bo gelê Kurdistana Bakur “destur” da ku Kurd bo hîn buna zimanê xwe biçin qursên bi pere. Li Kurdistana Başur jî gelek mihrican, seminer, panel, çalakî bajarên wek Duhok, Hewlêr, Kerkuk û Silêmanî de li dor edebiayat û çanda Kurdî de pêk! hat. Li Kurdistana Bakur li bajarê Amedê kovarek wêjeyî bi navê “Kovara W” dest bi wêşenê kir. Îsal li Kurdistana Bakur kovarên wêjeyî bi navê NUZA û NUBÎN jî dest bi weşanê kir. Li Kurdistana Azad jî gelek kovarên nû dest bi weşanê kirin. Li Kurdistana Azad niha 300ê zêdetir kovar û rojname derdikeve. Bi taybetî li Kurdistana Azad û dervey welat gelek pêşengehên wênesazên Kurdî jî hat li dar xistin.

2004an de Muzîka Kurdî

Îsal gelek kasek û CD di erşiva Muzîka Kurdî de zêde bû. Destpêka 2004 an de albuma Ciwan Haco ya bi navê NA NA ku bi avayekî modern û bi şêveya Pop-rock hatibu amade kirin ket destê muzîk hezên Kurd. Her wiha Ciwan Haco li Kurdistan Bakur û Tirkîye de gelek konsert da. Hatina Ciwan Haco bo tirkîye medyaya Tirkî û Kurdî gelek cih girt. Her wiha li Kurdistan bakur albumên muzikê wekî Ebbas ehmed –Mêvana Xewnê-, Diyar –Gulê neçe-, Kawa –Taya Dila-, Hesen Şerîf –Mizgîn- (Ev album li Kurdistana Başur jî hate belav kirin. ), Rotînda –Li te gerîyam-, ! Îbrahim Rojhilat-Bengî, Armanc-Sinem-, Ganî Nar –Bi min nekene-, ! Koma Hem dem-Ava Susê- Şahiya Stranan-2, Xêro Abbas –Axîn-, Rojhan Bêken(Rocka Kurdî) –Lawo-, Dîno –Çu-, Eyhok-Muzîka Gelêrîya Hekarîyê-(Ev album bo muzika Kurdî erşivek baş e), VCDya konsera Ciwan Hoco, Koma Çiya –Xelî-, Cd ya Klibên Hunermendên Kurd ji Ses plakê, Cewad Merwanî, Egidê Cimo, Gulê, Aynur -Keça Kurdan-, Zahid Brifkan î-Senfonîya Azadîyê(The Kurdish Sumphony of freedom)-, Xelil Xemgin -Zend-, Zarife Zêrîn -Dilo-, Beser Şahîn –Roj-, Dilana Rengîn, Zazvaj, Feyzoyê Rizo -Salih û Nurê-, Kismet Yildiz- Ax Kurê Min-, Koma Azad -Şar-, Kazo -Salimê min-, Gûla Serhadê –Kurdish Folk Music- 5 albumên kevn a Aram Tigran –Kurdistane…-, Mehmet Sîpan -Bê zar-, û gelek kasetên din ji hunermendên herêmî li Kurdistana Bakur derket. Piranîya wan albuman li Kurdistan Bakur ji aliye şirketên muzika Kurdî wekî Kom muzik, Mir muzik, Ses plak, Aydın Muzik, Kalan Muzik û hwd… hatine derxistin. Li Kurdistana Başur îsal bo muzika Kurdî salek baş bû. Li Kurdistana Azad(Başur) albumên muzikê wekî Zekerya –Tilinaz-, Blend Sal! ah, Çopî-Çit naw binêm-, Adnan Kerim-Tavgyek le Ishq-, Serkewt-Yaran-, Roj Karîm-Nigat-, M. R Kekukî-Nalinî Dil-, Emin Galilan-Esmer-, Şiwan-Leyla-, Ajdar-Deam-, Eyup Elî –Xemeke bê kotayî-, Sadiq Tarif, Nêrgîz, Diyar Qeredaxi-Niştimanek li gul-, Dilxoş-Hiway Jiyan-, Hassan-Xoşewistî-, Sabrî -Brewerî- û gelek kasetên din ji hunermendên herêmî li Kurdistana Azad(Başur) derket. Li Kurdistana Başur herî pir ji alîyê şirketên muzika Kurdî Çar Çira Muzîk, Şevin muzik û Stran music ve album hat derxistin. Her wiha li ewrupa û gelek cihên Cihanê de jî kaset û CDên din jî derket.

2004an de Medyaya Kurdî

Medyaya Kurdî de -ku girîngîya wî bêguman bo gelê Kurd zor girînge- ber bi dawiya 2004an de pêşketinên baş qewimî. Mizgînîya yekemîn ji ewrupa hat. Rojnameyek bi navê PEYAMA KURD ku bi sê zaravayan û 2 elfebeya Kurdî weşan dike tevlî kerwana çapamenîya Kurdî. PEYAMA KURD hin ji dema derketina xwe de gelek deng ve da. PEYAMA KURD ji niha ve bû dengê Kurdperwerî û bi qeliteya xwe j! î bala xwendavanan kişand. PEYAMA KURD nîşan da ku bi delfetên ! kêm çawa karên mezin derdikeve holê. PEYAMA Kurd hemu bajarên Ewrupaye tê belav kirin û em hêvîdarin bigîje hemu perçeyên Kurdistanê. Navnîşana PEYAMA KURD www. peyama-kurd. com e. Dengubasek din jî ji Kurdistana Azad hat. Li Kurdistana Azad televizyonek bi navê ZAGROS TV dest bi weşanê kir. Girîngîya vê televîzonê ewe ku di demekê nêzik de ewê li ser satalaytê jî weşan bike. Wekî tê zanî Li Kurdistana Başur televîzyonên Kurdistan TV û KURDsat TV ser satalaytê, GULAN TV, XAK TV, PERWERDE TV, TELEVİZYONÎ GELÎ KURDİSTAN, PUK TV, S TV, U TV, KCP TV, KTV, KERKUK TV û hin televîzyonên din jî weşanên xwe herêmî dikin. Hêvîdarin ku hemu televîzyonên li başur ser satalaytê weşan bikin. Îsal her wiha 3 radyoyê Kurdî jî ser satalaytê dest bi weşanê kirin. Ji wana yekemîn RADYO DENGÎ GELÎ KURDISTAN(D. G. KURD) ji Slêmanî weşan dike. Duyemîn RADYO DENGÊ KURDISTANe ku ji Hewlêrê weşan dike û niha ser frekensa Kurdistan TV di eyera right de dest bi weşanê kir. Ser malpera www. kurdistan. tv jî tê guhdarî kirin. Sêyemîn ! jî NAWA KURD RADYO ye ku ew jî ji Kurdistana Başur weşan dike. Navnişana NAWA KURD RADIO www. nawamedianetwork. com e. Li ser înternetê jî portalên Nuçeyî wek www. haberkurd. com, www. kurdistan-post. com, www. welatparez. com dest bi weşanê kirin. Her wiha li Kurdistana başur li Hewlêrê rojnameya EMRO li Kerkukê rojnameyek bi navê PEYAMÎ KERKUK li Kurdistana Rojhilat jî rojnameya ROJHILAT cihên xwe di medyaya Kurdî de girtin.

2004an de Sînemaya Kurdî

2004 bo Sinemaya Kurdî mixabin pirr serkeftî derbas nebû. Sînemaya Kurdî hêdî hêdî radibe ser lingên xwe ji ber gelek arişeyan îsal jî pêngava ku pêwist dike nehat avêtin. Lê ber Sînemaya Kurdî dahatuyek baş heye. Ji ber ku li Kurdistanê bo sinema çavkanîyek mezin heye. Divê Kurd bo pêşxistina sînemeya Kurdî hewl bide. Sermayedarên Kurd jî bı Sînema û medyaya Kurdî ramedan bikin. Sinema di pêşketina civakêkê de roleke girîng dileyze. Îsal di sinemeya Kurdî filma herî girîng ji

aliyê derhenêrê binavûdeng Behman Quba! dî ve hat kişandin. Navê filmê qubadî “BEQ JÎ DIKARIN BIFIRIN” ! e. Ev fil îm li Kurdistana Başur bi lehçeyên Kurmanciya jor û jêr hat kişandin. Film gelek mihricanên navneteweyîde xelatên cûrbecûr vergirt. Her wiha filmên wek JANA ZIRAV (2004), MU BIŞOPÎNE(TÜYÜ TAKİP ET) (2004), MAMA RAŞA (2004) Celil Zangana, DU GOŞEYÊN BIRCAN (Li Amedê hatiye kişandin) jî filmên nû yên sinemaya Kurdî ne. Ji xeynî wan hin filmên din jî li bakur û başurê Kurdistanê hat kişandin. Îsal li bakurê Kurdistanê ji konsepta BAVÊ TÊYAR gelek film bi formata VCD derket piyasayê. Eleqeya gel li ser wan filmên bêqelite gelek zêdeye. Geşedana Sinemaya Kurdî jî wekî her tiştê pêşketina rewşa politika Kurdistanê re girêdayîye. Bo pêşxistina sinemeya Kurdî berî her tiştî hewceya ku li Kurdistanê salonên sinemayê bêne vekirin. Divê Kurd ne tenê cihê xwe di sinema ya xwe de her wiha di sinemaya Cihanê de jî bigre. Ger netewa Kurd bihêz be edî Cihan jî mecbûr bimîne ku me bibîne û wekî mînak di filma “Îskenderê Mezin” de mecburin ku behsa Kurdan behsa Împaratorîya Kurdî Medan jî bikin. Bêguman e! m jî dîroka xwe divê veguhezînin perdeya spî…

2004an de Weşangerîya Kurdî-Bi giştî rewşa Kurdî

Îsal jî gelek pirtuk tevlî pirtuxaneya Kurdî bû. Li Kurdistana Bakur îsal pirr kêm pirtukên Kurdî hat weşandin û Kurdistana Bakur de rêjeya xwendina Kurdî gelek kême. Divê wê arîşe zutirîn dem de bi hevkarîya herkesî were çareserkirin. Li Kurdistana Azad jî her çikas delfet hebin jî ev delfeta girîng nayê bi kar anîn. Li gorî welatên din hejmara pirtûkên Kurdî ku tên weşandin kême. Divê rewşenbîrên Kurd bi taybetî li Kurdistana Azad hewl bidin ku hin zêdetir pirtûk were çapkirin û xwendin. Ne buna yek elfebeya Kurdî derketina ji vê rewşa xirab hin dijwartir dike. Wekî mînak li Tirkîyeyê, her sal nêzî 30 hezar pirtûk tê çap kirin, li Elmenyayê ev hejmar digêhêje 100 hezar lê li seranserê Kurdistanê tenê nêzî 1000 pirtûk bi Kurdî têne çapkirin, dibe ku hin hindiktir jî be. 2004an de li Kurdistana Azad ango li Kurdistana Başur bi piranî pirtukên ji zimanên cuda bo Kurdî hat! ine wergerandin derket. Her wiha gelek pirtukên lêkolînî, siyasî!, ramanî jî hat weşandin. Wêjeyî bi taybetî romanên Kurdî îsal hindik bû. Hun dikarin di edresa www. garmyan. com dehin pirtukên ku li Kurdistana Azad derketîye bibînin.

Li Kurdistana Bakur bi Kurdî û ser Kurdan bi Tirkî pirtûkên wekî Nêrînek li Diroka Kurdistan(Zekî Bozarslan-DOZ), Kürtler(Mehrdad r. İzady-DOZ), Kürtler ve Kürdistan(V. Minorsky, Th Bois, Mac kenzie-DOZ), G. Irak Anayasası ve GÜNEY KÜRDİSTAN(Riza Dinç-KOMAL), Kürdolojî Balgelerî II(Mehmet Bayrak-Weşanên OZ-GE), Serpêhatiya Rustem û Namerdîya Namerdan(Riza Çolpan-Weşanên Veng), Bir Dünya Ozanı ŞIVAN PERWER(Salihê Kevibirî-elma), Melayê Meşhur(Emîn Bozarslan-Weşanên Deng), Gemal(Xusref Caf-Weşanên AVESTA), Cegerxwîn(Davut Ozalp-Weşanên M), Mamosteyê Sêyemîn XANÎ(h. Mem-Enstituya Kurdî), Di erşivên Rus de MUSTEFA BARZANÎ (Weşanên AVESTA), GULDESTE (Weşanên Pêrî), Qedrîcan (Dilawer Zengî-Weşanên KOMAL), Kalemêr û Behr(Ernest Hemingway-Weşanên KOMAL), Tav û Leylan(Weşanên bajar), Monologên Evînên Kedîkirî(Mem Bawer-Bajar), Çikus(Moli! ere-Aram), Kewê Canê(Receb Dildar-Weşanên Gun)

Weşanxwnayên wek Avesta, Pêrî, Aram, Komal, Doz, Belkî û hwd… hin pirtukên din jî hate derxistin. Li Ewrupaye ji aliyê weşanên Apec ê ve Ansiklopedîya Zarokan bi kurdî hat derxistin. Berhemek gelek hêja ye. Divê mala her Kurdekî de hebe.

Ji weşanxaneya Evrensel rêzepirtuka ser Kurdan hat çap kirin. Heta niha 10 pirtuk ji vê rêzê derketiye û hemu bi Tirkîne. Navê hinek wan ;“Kürt Halk Türkülerinden seçmeler, Bilim Dilinde Kürtler, Dünden Bugünde Kürtler, Orta Anadolu Kürtleri ye. Li Kurdistana Bakur weşanxanya bajar vebu û navendê wî Amede. Bi giranî ser wêjeya Kurdî pirtuk çapdikin. 2004an de ji 15 zêdetir pirtuk derxistin. Ji weşanxaneya KOMAL jî îsal nêzî 10 kitêb derket. Her wiha ji weşanên Deng pirtuka anotomîya Bedana Mirovan bi Kurdî derket. Ev pirtûk yek ji du pirtukên ser anatomîye bi zimanê kurdî belav bûne. Li ser hîn buna zimanê Kurdî jî berhemek baş bi formata CD ROM hat belav kirin. Navê CD ye “Em zimanê xwe fêr dibin” e li ge! l vê berhemê “Fîlmên Karton Bi Zimanê Kurdî” jî hat ji aliyê ! Dem prod uksyon ve hate derxistin. Îsal li Amedê gelek afiş û reklam li ser bilboardan bi kurdî bû. Ev jî ji min nîşeyek.

2004an de Teknolojî û Înterneta Kurdî

Înternet belkî di cîhanê de herî pir feydeya gelê Kurd bû. Ger rêjeya bikaranîna înternetê nav Kurdan da zêde bibe ev sûdwergirtin jî zêde dibe. Çunke înternet cihêkî azade, erzane û sînor nasnake. Niştimanê Kurdan buye 4 perçe lê bi saya înternetê ev sînor hinek be jî radibin. Kurd dikarin kêmasîya ku rojnamegerîya Kurdî de heye bi înternetê ji holê rakin lê heman demê de pêwîste ku eleqeya gelê Kurd jî bo bikaranîna înternetê zêde be û ji hêsanîya înternetê sûdwerbigirin. Di malperên hin dewletan de jî beşên Kurdî vebûne wekî malpera VOA. Motora lêgerîna bi navûdeng a GOOGLE û DMOZ, MUSICMOZ de jî beşên Kurdî heye. Û niha Gelê Kurd li benda Windowsa Kurdî û Linuxa Kurdî ye. 2004 an de di hêla teklolojî û cihana internetê de yekemîn pêşketin ew bu ku eksplorera(explorer) bi navê OPERA ku li cîhanê de pir tê bikaranî! n jî bi kurdî hate amade kirin û malpera fermî ya Operayê de hat weşandin. Xebatên bo Linuxa Kurdî www. linux-ku. com jî berew dawî bunê ve diçe. Her wiha îsal li Amedê ji alîyê ciwanekî Kurd ve menuya telefona nokia bo Kurdî hat wergerandin. Ji alîye malpera kurdmcse. com ve e-ferhenga Kurdî hat amade kirin. Her wiha 6-7 heb programên din jî edî bi zimanê Kurdî ne. Roja me ya îro de kompiter bo medyayê jî amurê serekeye ji ber vê yekê jî peşketina Kurdî di warê teknolojîde, bandorekî mezin jî bike ser pêşketina medyaya Kurdî û lezinek xurt bide.

2004an de Werziş(Spor)

Kurd di sporê de ne çalakin. Sedema vê yekê jî nebuna dewleteke serbixwe ye. Eleqeya kurdan ji xeynî futbol temaşekirinê nîne. Edî futbol jî spore yan na ne dîyare!2004an de boks û judo de Kurd pêşbirkên navneteweyîde 3 xelatê yekemîn bûne girtin.

Salek bo Kurdan bi kurtasî wisa derbas bû. Di vê nivîsê de bêguman hemû buyer cih nagrin. Hêvîdarim ku sala nû ango 2005 bo gihişt! ina me ya dewleta serbixwe a Kurdistan bibe saleke mejûyî. Pano! ramaya 2 005an de bawerim deskeftî, pêşveçûn, serketin zêde têkçûn, wendakirin, lawazî hindik be. Divê Kurd di hemû waran de xwe pêşbixîne û bi avayekî xwebawer binêre dahatûye. Çinke bo serneketina me tu sedem nîne.

Serhad B. RÊNAS